ပြင်သစ်နိုင်ငံက အကြမ်းဖက်စစ်ကောင်စီကို “တရားမဝင်အစိုးရ” ဟု ယနေ့စတင်သုံးနှုန်း
ရန်ကုန်၊ ဇွန် (၄)
လူငယ့်ခေတ်
ပြင်သစ်နိုင်ငံက မင်းအောင်လှိုင်၏ အကြမ်းဖက်စစ်ကောင်စီကို တရားမဝင်အစိုးရဟု ပထမဆုံးအကြိမ် စတင်သုံးစွဲသည့် နိုင်ငံတစ်နိုင်ငံဖြစ်လာသည်။
ယနေ့ ဇွန်လ (၄) ရက်နေ့ ၎င်းတို့သံရုံးထုတ်ပြန်ချက်တွင် “တရားမဝင်သည့် စစ်အစိုးရက ကျင့်သုံးနေသော အကြမ်းဖက်ဝါဒကို သတ္တိရှိရှိရင်ဆိုင်နေသည့် မြန်မာလူမျိုးများကို ပြင်သစ်က လေးစားပြီး ဆက်လက်၍ ထောက်ခံသွားပါမည်။” ဟု ရေးသားခဲ့ခြင်း ဖြစ်သည်။
ပြင်သစ်သံရုံး၏ဖော်ပြချက်တွင် “ပြင်သစ်နိုင်ငံမှ”ဟူသည့် နိုင်ငံကိုယ်စားပြုမှုကို (၃) ကြိမ်တိတိသုံးနှုန်းခဲ့ပြီး နောက်ဆုံးအပိုဒ်တွင် “ပြင်သစ်နိုင်ငံ”ဟု မသုံးနှုန်းထားသော်လည်း “ပြင်သစ်က”ဟု မြန်မာဘာသာဖြင့်ဖော်ပြထားသည့် စာတွင် ရေးသားထားသည်။
၎င်းတို့ထုတ်ပြန်ချက်သည် စစ်တပ်က အာဏာသိမ်းပြီးနောက် ကိုဂျင်မီ၊ ကိုဖြိုးဇေယျာသော်အပါအဝင် စစ်ခုံရုံးများက သေဒဏ် (၁၁၃) မှုကို နိုင်ထက်စီးနင်း ချမှတ်ခဲ့ခြင်းအပေါ် ကန့်ကွတ်ရှုတ်ချ ထုတ်ပြန်ခဲ့ခြင်းဖြစ်သည်။
အကြမ်းဖက်စစ်ကောင်စီက အာဏာသိမ်းပြီးနောက် ပြင်သစ်သံရုံးအနေဖြင့် ထုတ်ပြန်ချက်များတွင် အကြမ်းဖက်စစ်ကောင်စီကို အာဏာသိမ်းအစိုးရ၊ မြန်မာစစ်တပ်၊ စစ်အစိုးရဟုသာ သုံးစွဲခဲ့ပြီး ယခုပထမဆုံးအကြိမ်အဖြစ် “တရားမဝင်အစိုးရ” ဟု စတင်သုံးစွဲလိုက်ခြင်း ဖြစ်သည်။
လူငယ့်ခေတ်၏ လက်လှမ်းမီသမျှမှတ်တမ်းများအရ ပြည်ပနိုင်ငံများအနက် ယခုကဲ့သို့ စစ်ကောင်စီကို တရားမဝင်အစိုးရဟု စတင်သုံးစွဲသည့်နိုင်ငံမှာ ပြင်သစ်နိုင်ငံဖြစ်ကြောင်း တွေ့ရှိရသည်။
ပြင်သစ်ဘာသာဖြင့်ထုတ်ပြန်ချက်ကို Google Translate ၌ ဘာသာပြန်ကြည့်သည့်အခါတွင်လည်း “တရားမဝင်စစ်အစိုးရ ကျင့်သုံးနေတဲ့ အကြမ်းဖက်ဝါဒကို ရင်ဆိုင်ရဲတဲ့ သတ္တိရှိတဲ့ မြန်မာလူမျိုးတွေကို ပြင်သစ်ရဲ့ ထောက်ခံမှုဟာ မပြောင်းလဲသေးပါဘူး။” ဟု ဘာသာပြန်ဖော်ပြထားသည်ကို တွေ့ရှိရသည်။
ပြင်သစ်နိုင်ငံက အကြမ်းဖက်စစ်ကောင်စီကို “တရားမဝင်အစိုးရ” ဟု ယနေ့စတင်သုံးနှုန်း
ရန်ကုန်၊ ဇွန် (၄)
လူငယ့်ခေတ်
ပြင်သစ်နိုင်ငံက မင်းအောင်လှိုင်၏ အကြမ်းဖက်စစ်ကောင်စီကို တရားမဝင်အစိုးရဟု ပထမဆုံးအကြိမ် စတင်သုံးစွဲသည့် နိုင်ငံတစ်နိုင်ငံဖြစ်လာသည်။
ယနေ့ ဇွန်လ (၄) ရက်နေ့ ၎င်းတို့သံရုံးထုတ်ပြန်ချက်တွင် “တရားမဝင်သည့် စစ်အစိုးရက ကျင့်သုံးနေသော အကြမ်းဖက်ဝါဒကို သတ္တိရှိရှိရင်ဆိုင်နေသည့် မြန်မာလူမျိုးများကို ပြင်သစ်က လေးစားပြီး ဆက်လက်၍ ထောက်ခံသွားပါမည်။” ဟု ရေးသားခဲ့ခြင်း ဖြစ်သည်။
ပြင်သစ်သံရုံး၏ဖော်ပြချက်တွင် “ပြင်သစ်နိုင်ငံမှ”ဟူသည့် နိုင်ငံကိုယ်စားပြုမှုကို (၃) ကြိမ်တိတိသုံးနှုန်းခဲ့ပြီး နောက်ဆုံးအပိုဒ်တွင် “ပြင်သစ်နိုင်ငံ”ဟု မသုံးနှုန်းထားသော်လည်း “ပြင်သစ်က”ဟု မြန်မာဘာသာဖြင့်ဖော်ပြထားသည့် စာတွင် ရေးသားထားသည်။
၎င်းတို့ထုတ်ပြန်ချက်သည် စစ်တပ်က အာဏာသိမ်းပြီးနောက် ကိုဂျင်မီ၊ ကိုဖြိုးဇေယျာသော်အပါအဝင် စစ်ခုံရုံးများက သေဒဏ် (၁၁၃) မှုကို နိုင်ထက်စီးနင်း ချမှတ်ခဲ့ခြင်းအပေါ် ကန့်ကွတ်ရှုတ်ချ ထုတ်ပြန်ခဲ့ခြင်းဖြစ်သည်။
အကြမ်းဖက်စစ်ကောင်စီက အာဏာသိမ်းပြီးနောက် ပြင်သစ်သံရုံးအနေဖြင့် ထုတ်ပြန်ချက်များတွင် အကြမ်းဖက်စစ်ကောင်စီကို အာဏာသိမ်းအစိုးရ၊ မြန်မာစစ်တပ်၊ စစ်အစိုးရဟုသာ သုံးစွဲခဲ့ပြီး ယခုပထမဆုံးအကြိမ်အဖြစ် “တရားမဝင်အစိုးရ” ဟု စတင်သုံးစွဲလိုက်ခြင်း ဖြစ်သည်။
လူငယ့်ခေတ်၏ လက်လှမ်းမီသမျှမှတ်တမ်းများအရ ပြည်ပနိုင်ငံများအနက် ယခုကဲ့သို့ စစ်ကောင်စီကို တရားမဝင်အစိုးရဟု စတင်သုံးစွဲသည့်နိုင်ငံမှာ ပြင်သစ်နိုင်ငံဖြစ်ကြောင်း တွေ့ရှိရသည်။
ပြင်သစ်ဘာသာဖြင့်ထုတ်ပြန်ချက်ကို Google Translate ၌ ဘာသာပြန်ကြည့်သည့်အခါတွင်လည်း “တရားမဝင်စစ်အစိုးရ ကျင့်သုံးနေတဲ့ အကြမ်းဖက်ဝါဒကို ရင်ဆိုင်ရဲတဲ့ သတ္တိရှိတဲ့ မြန်မာလူမျိုးတွေကို ပြင်သစ်ရဲ့ ထောက်ခံမှုဟာ မပြောင်းလဲသေးပါဘူး။” ဟု ဘာသာပြန်ဖော်ပြထားသည်ကို တွေ့ရှိရသည်။
