မင်းအောင်လှိုင်ကို “ဝ” အဖွဲ့က ပြည်နယ်တောင်း
ပန်ဆန်း၊ မေ (၃၁)
လူငယ့်ခေတ်
စစ်ကောင်စီခေါင်းဆောင် မင်းအောင်လှိုင်နှင့် ” ဝ” ပြည်နယ်ကိုယ်စားလှယ်အဖွဲ့တွေ့ဆုံချိန် “ဝ” အမျိုးသားကိုယ်ပိုင်အုပ်ချုပ်ခွင့်ရပြည်နယ် တည်ထောင်ရန် တောင်းဆိုခဲ့ကြောင်း UWSA က ယနေ့ထုတ်ပြန်လိုက်သည်။
မင်းအောင်လှိုင်နှင့် “ဝ” ပြည်သွေးစည်းညီညွတ်ရေးပါတီ UWSP ကိုယ်စားလှယ်အဖွဲ့တို့သည် ယမန်နေ့ မေလ (၃၀) ရက်နေ့တွင် တွေ့ဆုံဆွေးနွေးခဲ့ခြင်းဖြစ်သည်။
ထိုသို့တွေ့ဆုံပြီးနောက် ယနေ့တွင် UWSP/UWSA ၏ လာရှိုးမြို့ဆက်ဆံရေးတာဝန်ခံ ဦးညီရန်းက ၎င်း၏ လူမှုကွန်ယက်စာမျက်နှာမှ တဆင့်ထုတ်ပြန်ခဲ့ခြင်းဖြစ်သည်။
ယခင် ပြည်ထောင်စုအစိုးရသို့ အဆိုပြုတင်ပြထားသည့်အတိုင်း နိုင်ငံရေးဆွေးနွေးမှု အထွေထွေမူဝါဒအရ အခြားတိုင်းရင်းသားပြည်နယ်နှင့်တန်းတူ “ဝ” အမျိုးသားကိုယ်ပိုင်အုပ်ချုပ်ခွင့်ရပြည်နယ်တည်ထောင်ရန် တောင်းဆိုခဲ့သည်ဟု ထုတ်ပြန်ချက်တွင် ဖော်ပြထားသည်။
ထိုကိစ္စနှင့်ပတ်သက်၍ သဘောတူညီချက်မရနိုင်ပါက နှစ်ဖက်ကြားပဋိပက္ခများကို ရှောင်ရှားရန်နှင့် အနာဂတ်ငြိမ်းချမ်းရေးဆွေးနွေးမှုအဆင်ပြေစေရန် ငြိမ်းချမ်းရေးကို အတတ်နိုင်ဆုံးထိန်းသိမ်းသွားရန် တောင်းဆိုထားကြောင်းလည်း ထုတ်ပြန်ချက်တွင် ဖော်ပြထားသည်။
လက်ရှိ အခြေအနေအရ UWSP/UWSA ၏သဘောထားမှာ မည်သူအုပ်ချုပ်သည်ဖြစ်စေ ဗမာတိုင်းရင်းသားများ၏ အတွင်းရေးသာဖြစ်ပြီး ပဋိပက္ခများပို၍ မဖြစ်စေလိုသောကြောင့် မည်သည့်ဘက်မှ ပါဝင်ပတ်သက်မည့်မဟုတ်ကြောင်းလည်း ထုတ်ပြန်ချက်တွင် ဖော်ပြထားသည်။
အကြမ်းဖက်စစ်အုပ်စုခေါင်းဆောင် မင်းအောင်လှိုင်သည် အာဏာသိမ်းပြီးနောက် တစ်နှစ်အကြာတွင် ငြိမ်းချမ်းရေးဆွေးနွေးမည်ဟု တိုင်းရင်းသားလက်နက်ကိုင်များကို မေလအတွင်း ဖိတ်ခေါ်ခဲ့သည်။
ထိုဖိတ်ခေါ်မှုကို တွေ့ဆုံဆွေးနွေးရန်အတွက် စစ်တပ်နှင့်တိုက်ပွဲမဖြစ်သည့် အဖွဲ့ (၇) ဖွဲ့က တွေ့ဆုံမည်ဟု စာရင်းပေးထားသည်။
မင်းအောင်လှိုင်ကို “ဝ” အဖွဲ့က ပြည်နယ်တောင်း
ပန်ဆန်း၊ မေ (၃၁)
လူငယ့်ခေတ်
စစ်ကောင်စီခေါင်းဆောင် မင်းအောင်လှိုင်နှင့် ” ဝ” ပြည်နယ်ကိုယ်စားလှယ်အဖွဲ့တွေ့ဆုံချိန် “ဝ” အမျိုးသားကိုယ်ပိုင်အုပ်ချုပ်ခွင့်ရပြည်နယ် တည်ထောင်ရန် တောင်းဆိုခဲ့ကြောင်း UWSA က ယနေ့ထုတ်ပြန်လိုက်သည်။
မင်းအောင်လှိုင်နှင့် “ဝ” ပြည်သွေးစည်းညီညွတ်ရေးပါတီ UWSP ကိုယ်စားလှယ်အဖွဲ့တို့သည် ယမန်နေ့ မေလ (၃၀) ရက်နေ့တွင် တွေ့ဆုံဆွေးနွေးခဲ့ခြင်းဖြစ်သည်။
ထိုသို့တွေ့ဆုံပြီးနောက် ယနေ့တွင် UWSP/UWSA ၏ လာရှိုးမြို့ဆက်ဆံရေးတာဝန်ခံ ဦးညီရန်းက ၎င်း၏ လူမှုကွန်ယက်စာမျက်နှာမှ တဆင့်ထုတ်ပြန်ခဲ့ခြင်းဖြစ်သည်။
ယခင် ပြည်ထောင်စုအစိုးရသို့ အဆိုပြုတင်ပြထားသည့်အတိုင်း နိုင်ငံရေးဆွေးနွေးမှု အထွေထွေမူဝါဒအရ အခြားတိုင်းရင်းသားပြည်နယ်နှင့်တန်းတူ “ဝ” အမျိုးသားကိုယ်ပိုင်အုပ်ချုပ်ခွင့်ရပြည်နယ်တည်ထောင်ရန် တောင်းဆိုခဲ့သည်ဟု ထုတ်ပြန်ချက်တွင် ဖော်ပြထားသည်။
ထိုကိစ္စနှင့်ပတ်သက်၍ သဘောတူညီချက်မရနိုင်ပါက နှစ်ဖက်ကြားပဋိပက္ခများကို ရှောင်ရှားရန်နှင့် အနာဂတ်ငြိမ်းချမ်းရေးဆွေးနွေးမှုအဆင်ပြေစေရန် ငြိမ်းချမ်းရေးကို အတတ်နိုင်ဆုံးထိန်းသိမ်းသွားရန် တောင်းဆိုထားကြောင်းလည်း ထုတ်ပြန်ချက်တွင် ဖော်ပြထားသည်။
လက်ရှိ အခြေအနေအရ UWSP/UWSA ၏သဘောထားမှာ မည်သူအုပ်ချုပ်သည်ဖြစ်စေ ဗမာတိုင်းရင်းသားများ၏ အတွင်းရေးသာဖြစ်ပြီး ပဋိပက္ခများပို၍ မဖြစ်စေလိုသောကြောင့် မည်သည့်ဘက်မှ ပါဝင်ပတ်သက်မည့်မဟုတ်ကြောင်းလည်း ထုတ်ပြန်ချက်တွင် ဖော်ပြထားသည်။
အကြမ်းဖက်စစ်အုပ်စုခေါင်းဆောင် မင်းအောင်လှိုင်သည် အာဏာသိမ်းပြီးနောက် တစ်နှစ်အကြာတွင် ငြိမ်းချမ်းရေးဆွေးနွေးမည်ဟု တိုင်းရင်းသားလက်နက်ကိုင်များကို မေလအတွင်း ဖိတ်ခေါ်ခဲ့သည်။
ထိုဖိတ်ခေါ်မှုကို တွေ့ဆုံဆွေးနွေးရန်အတွက် စစ်တပ်နှင့်တိုက်ပွဲမဖြစ်သည့် အဖွဲ့ (၇) ဖွဲ့က တွေ့ဆုံမည်ဟု စာရင်းပေးထားသည်။
