ဒရုန်းပစ်ကူများ၊ တာဝေးပစ်ကူများဖြင့် မြို့နယ်တပ်ပေါင်းစုအသွင်ပုံဖော်ခဲ့သည့် အရာတော်နယ်က တိုက်ပွဲ
ရဲခေါင်/People’s Spring
စစ်ကိုင်းတိုင်း၊ အရာတော်မြို့နယ်တွင် စစ်ကောင်စီခြေလျင်စစ်ကြောင်းနှင့် ထိတွေ့တိုက်ပွဲဖြစ်ပြီး ဒရုန်းပစ်ကူများ၊ တာဝေးပစ်ကူများဖြင့် မြို့နယ်တပ်ပေါင်းစုအသွင်ညီညွတ်စွာ တိုက်ပွဲပုံဖော်နိုင်ခဲ့ကြောင်း အရာတော်မြို့နယ်သတင်းမှန်ပြန်ကြားရေးက ထုတ်ပြန်သည်။
တိုက်ပွဲဖြစ်စဥ်မှာ အရာတော်မြောက်နယ်၊ နောင်ကြီးအိုင်ရဲစခန်း၌ တပ်စွဲထားသော စစ်ကောင်စီတပ်များထဲမှ ခြေလျင်စစ်ကြောင်းတစ်ဖွဲ့သည် ဝက်ပြစ်ကျေးရွာ အနောက်ဖက်၊ ဘုန်းကြီး ကျောင်းတွင် လာရောက်စခန်းချစဉ် ယမန်နေ့(မေ ၁၄ ရက်) ညနေ ၅နာရီခန့်တွင် အရာတော်မြို့နယ်တော်လှန်ရေးတပ်ပေါင်းစုက တိုက်ခိုက်ခဲ့ခြင်းဖြစ်သည်။
“တိုက်ပွဲက တစ်နာရီလောက်ကြာတယ်။ တာဝေးပစ်တွေနဲ့ ပစ်ခတ်ခဲ့သလို၊ (ပကဖ)ကလည်း ဒရုန်းပစ်ကူပေးခဲ့တယ်။ ဗီဒီယိုဖိုင်ရှိတယ် အင်တာနက်လိုင်းဖြတ်ထားတော့ တင်ဖို့အခက်အခဲရှိနေလို့ပါ”ဟု အရာတော်မြို့နယ်တော်လှန်ရေးအင်အားစုမှ ဗိုလ်ပေါက်စီက People’s Springသို့ ပြောသည်။
တိုက်ပွဲအတွင်း တပ်ပေါင်းစုရဲဘော်အားလုံးဘေးကင်းပြီး ရန်သူစစ်ကောင်စီဘက်မှ ထိခိုက်မှုအခြေအနေကိုမှု အတည်မပြုနိုင်သေးပေ။
ယခုလ ၂ ရက်ကစ၍ အင်အား ၂၀၀ ခန့်ပါ စစ်ကောင်စီစစ်ကြောင်းသည် အရာတော် – မြင်းမူ ဒေသအစပ် ကန်ရင်းကျေးရွာသို့ ဝင်ရောက်ပြီးနောက် မလဲသာနှင့် ညောင်ပင်သာရွားကိုကျေးရွာလုံးကျွတ်မီးရှို့ခဲ့သည်။
ထို့နောက် ချင်ပင်ကျေးရွာကို မေလ၇ ရက်က မီးရှို့ခဲ့ပြီး ဒေသခံကာကွယ်ရေး ရဲဘော် ခြောက်ဦးဖမ်းဆီးခံရကာ ဒေသခံပြည်သူ ၃၀ ခန့်ကို လူသားဒိုင်းအဖြစ် အသုံးပြုခံခဲ့ရသည်။
(တိုက်ပွဲဖြစ်ပွားရာ ဝက်ပြစ်ကျေးရွာအား မြင်တွေ့ရစဥ်)
စစ်ကိုင်းတိုင်း၊ အရာတော်မြို့နယ်တွင် စစ်ကောင်စီခြေလျင်စစ်ကြောင်းနှင့် ထိတွေ့တိုက်ပွဲဖြစ်ပြီး ဒရုန်းပစ်ကူများ၊ တာဝေးပစ်ကူများဖြင့် မြို့နယ်တပ်ပေါင်းစုအသွင်ညီညွတ်စွာ တိုက်ပွဲပုံဖော်နိုင်ခဲ့ကြောင်း အရာတော်မြို့နယ်သတင်းမှန်ပြန်ကြားရေးက ထုတ်ပြန်သည်။
တိုက်ပွဲဖြစ်စဥ်မှာ အရာတော်မြောက်နယ်၊ နောင်ကြီးအိုင်ရဲစခန်း၌ တပ်စွဲထားသော စစ်ကောင်စီတပ်များထဲမှ ခြေလျင်စစ်ကြောင်းတစ်ဖွဲ့သည် ဝက်ပြစ်ကျေးရွာ အနောက်ဖက်၊ ဘုန်းကြီး ကျောင်းတွင် လာရောက်စခန်းချစဉ် ယမန်နေ့(မေ ၁၄ ရက်) ညနေ ၅နာရီခန့်တွင် အရာတော်မြို့နယ်တော်လှန်ရေးတပ်ပေါင်းစုက တိုက်ခိုက်ခဲ့ခြင်းဖြစ်သည်။
“တိုက်ပွဲက တစ်နာရီလောက်ကြာတယ်။ တာဝေးပစ်တွေနဲ့ ပစ်ခတ်ခဲ့သလို၊ (ပကဖ)ကလည်း ဒရုန်းပစ်ကူပေးခဲ့တယ်။ ဗီဒီယိုဖိုင်ရှိတယ် အင်တာနက်လိုင်းဖြတ်ထားတော့ တင်ဖို့အခက်အခဲရှိနေလို့ပါ”ဟု အရာတော်မြို့နယ်တော်လှန်ရေးအင်အားစုမှ ဗိုလ်ပေါက်စီက People’s Springသို့ ပြောသည်။
တိုက်ပွဲအတွင်း တပ်ပေါင်းစုရဲဘော်အားလုံးဘေးကင်းပြီး ရန်သူစစ်ကောင်စီဘက်မှ ထိခိုက်မှုအခြေအနေကိုမှု အတည်မပြုနိုင်သေးပေ။
ယခုလ ၂ ရက်ကစ၍ အင်အား ၂၀၀ ခန့်ပါ စစ်ကောင်စီစစ်ကြောင်းသည် အရာတော် – မြင်းမူ ဒေသအစပ် ကန်ရင်းကျေးရွာသို့ ဝင်ရောက်ပြီးနောက် မလဲသာနှင့် ညောင်ပင်သာရွားကိုကျေးရွာလုံးကျွတ်မီးရှို့ခဲ့သည်။
ထို့နောက် ချင်ပင်ကျေးရွာကို မေလ၇ ရက်က မီးရှို့ခဲ့ပြီး ဒေသခံကာကွယ်ရေး ရဲဘော် ခြောက်ဦးဖမ်းဆီးခံရကာ ဒေသခံပြည်သူ ၃၀ ခန့်ကို လူသားဒိုင်းအဖြစ် အသုံးပြုခံခဲ့ရသည်။
(တိုက်ပွဲဖြစ်ပွားရာ ဝက်ပြစ်ကျေးရွာအား မြင်တွေ့ရစဥ်)
