ချောင်းဦးမြို့နယ်တွင် စစ်ကောင်စီတပ်က မြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ့ အင်္ကျီများဝတ်ဆင်၍ လမ်းသွား၊လမ်းလာများ စစ်ဆေးနေ

ရဲခေါင်/People’s Spring

စစ်ကိုင်းတိုင်း၊ ချောင်းဦးမြို့နယ်တွင် မြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ့ (CDSOM) အင်္ကျီများဝတ်ဆင်၍ လမ်းသွား၊လမ်းလာများအား စစ်ဆေးနေသူများမှာ အကြမ်းဖက်စစ်ကောင်စီတပ် သားများဖြစ်ကြောင်း CDSOMက ထုတ်ပြန်သည်။

ယနေ့(မေ ၁၄)နံနက် ၉နာရီခန့်တွင် ချောင်းဦးမြို့နယ်ရေပိုးစားနှင့် နတ်ရေကန်အကြား၌ CDSOM အင်္ကျီဝတ်ဆင်ထားသူများက ဖြတ်သန်းသွားလာသော ပြည်သူများကို စစ်ဆေးခဲ့သည်ဟု ဆိုသည်။

ထို့ကြောင့် အစစ်ဆေးခံလာရသည့် ပြည်သူများ၏ သတင်းပေးချက်ကြောင့် ၎င်းတို့အဖွဲ့ခွဲ အသီးသီးထံစုံစမ်းရာ တစ်ဖွဲ့မှမဟုတ်ကြောင်းနှင့် သေချာစေရန် အဖွဲ့ဝင်များက သွားရောက်စုံစမ်းရာ အကြမ်းဖက်စစ်ကောင်စီတပ်က CDSOM တံဆိပ်ပါ အနက်ရောင်လက်ရှည်များဝတ်ဆင်ထားသည်ဟု အသိပေးသည်။

အကြမ်းဖက်စစ်ကောင်စီတပ်က မြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ့ (CDSOM)နှင့် ပုံမှားယူပြီး ပြည်သူနှင့် PDFများကို အစဥ်အမြဲဖမ်းဆီးရန် ကြိုပမ်းလျက်ရှိသည်ဟုလည်း CDSOMက ပြောသည်။

ထို့အပြင် ရိုင်းပျကြမ်းတမ်းသည့် စကားလုံးများဖြင့် ပြောဆို၍ CDSOM ၏ ပုံရိပ်နှင့် ပြည်သူများ ၏ လေးစားမှုများကို အကြမ်းဖက်စစ်တပ်က ဖျက်ဆီးရန် ကြိုးပမ်းခြင်းဟု ဆိုသည်။

“ပြည်သူများ လူယောင်ဆောင်သော ခွေးများရန်မှဝေးကြပါစေ”ဟု CDSOM တာဝန်ရှိသူက ပြော သည်။

ထို့ကြောင့် ပြည်သူများအနေဖြင့် မလိုအပ်ဘဲအပြင်လုံးဝမထွက်ရန် CDSOM ကမေတ္တာရပ်ခံသည်။

(CDSOM ရဲဘော်များအား ၎င်းတို့ဝင်ဆင် အသုံးပြုနေသည့် အင်္ကျီနှင့်အတူ တွေ့ရစဥ်)

You may also like