ၾကားသိသမွ်

PTTEP နဲ့ Petronas ကုမ္ပဏီတွေ ရဲတံခွန် သဘာဝဓာတ်ငွေ့စီမံကိန်းကနေ ထွက်ပြီ

PTTEP နဲ့ Petronas ကုမ္ပဏီတွေ ရဲတံခွန် သဘာဝဓာတ်ငွေ့စီမံကိန်းကနေ ထွက်ပြီ

ထိုင်းနိုင်ငံပိုင် PTTEP ရေနံ ၊ သဘာဝဓာတ်ငွေ့ကုမ္ပဏီနဲ့ မလေးရှားအစိုးရပိုင် Petronas စွမ်းအင်ကုမ္ပဏီတို့ဟာ မြန်မာနိုင်ငံတွင်း ရဲတံခွန် သဘာဝ ဓာတ်ငွေ့စီမံကိန်းမှာ ရင်းနှီးမြှုပ်နှံ လုပ်ကိုင်နေတာတွေကနေ နှုတ်ထွက်လိုက်ပြီလို့ ဧပြီလ ၂၉ရက်နေ့က ထုတ်ပြန်ကြေညာလိုက်ပါတယ်။

မနှစ်က စစ်တပ်က အာဏာသိမ်းပြီး လူ့အခွင့်အရေး ချိုးဖောက်မှုတွေရဲ့ နောက်ဆက်တွဲ စွပ်စွဲချက်တွေကြောင့် Chevron နဲ့ Total Energies အပါအဝင် မြန်မာနိုင်ငံက ကမ္ဘာလုံးဆိုင်ရာ စွမ်းအင်ကုမ္ပဏီတွေ အစုအပြုံလိုက် ထွက်ခွနေကြတာပါ။

ဂျပန်က Eneos ကုမ္ပဏီဟာ ရဲတံခွန်စီမံကိန်းမှာ အစုရှယ်ယာ ၁၉ ဒဿမ ၃ရာခိုင်နှုန်း ထည့်ဝင်ထားတာဖြစ်ပြီး Petronas ကုမ္ပဏီလက်ခွဲ ဟောင်ကောင်အခြေစိုက် PC Myanmar ကုမ္ပဏီက ၄၀ ဒဿမ ၉ရာခိုင်နှုန်း ၊ မြန်မာ့ ရေနံနဲ့ ဘဘာဝဓာတ်ငွေ့လုပ်ငန်းက ၂၀ ဒဿမ ၅ ရာခိုင်နှုန်း နဲ့ ကျန်တဲ့ အစုရှယ်ယာတွေကိုတော့ ထိုင်း PTTEP စွမ်းအင်ကုမ္ပဏီက ပိုင်ဆိုင်တာ ဖြစ်ပါတယ်။

Petronas အနေနဲ့ ဖေဖော်ဝါရီလကတည်းက မြန်မာနိုင်ငံတွင်းက လုပ်ငန်းတွေ ပြန်ရုပ်ဖို့ စဉ်းစားနေတဲ့အကြောင်း ပြောခဲ့တာဖြစ်ပြီး အခုတော့ ရုပ်သိမ်းကြောင်း ကြေညာခဲ့တာပါ။ ဂျပန် စွမ်းအင်ကုမ္ပဏီ Eneos ကလည်း မြန်မာနိုင်ငံကနေ လုပ်ငန်းတွေ ပြန်ရုပ်သိမ်းမယ့် အကြောင်း ပြောထားတယ်လို့လည်း သိရပါတယ်။

မနှစ်က မြန်မာနိုင်ငံမှာ စစ်တပ်အာဏာသိမ်းတာနဲ့ နောက်ဆက်တွဲ မြန်မာနိုင်ငံတွင်း လူ့အခွင့်ရေး ချိုးဖေါက်မှုတွေ ရှိနေတယ်ဆိုတဲ့ စွပ်စွဲမှုတွေ ပေါ်ထွက်လာတဲ့နောက်မှာ အမေရိကန် စွမ်းအင် ကုမ္ပဏီ Chevron နဲ့ ပြင်သစ် Total ကုမ္ပဏီတွေကတော့ အာဏာသိမ်းမှု နောက်ပိုင်း မြန်မာနိုင်ငံထဲကနေ အစောဆုံး ပြန်ရုပ်သိမ်းသွားကြတာပါ။

မြန်မာ့အာဏာသိမ်းစစ်တပ်ဟာ ရေနံနှင့် သဘာဝဓာတ်ငွေ့ အပါအဝင် နိုင်ငံ့စီးပွားရေး အများအပြားမှာ အကျိုးအမြတ်တွေ ရရှိနေတာပါ။ ဒါ့ကြောင့် ပြည်သူတွေအပေါ် စစ်ရာဇဝတ်မှုကျူးလွန်နေတဲ့ အကြမ်းဖက်စစ်အုပ်စုရဲ့ ဘဏ္ဍာငွေစီးဝင်မှုလမ်းကြောင်းတွေကို ဖြတ်တောက်ပစ်ဖို့ လူ့အခွင့်အရေးဆိုင်ရာအဖွဲ့တွေက တောင်းဆိုနေကြတာ ဖြစ်ပါတယ်။#DNA