ၾကားသိသမွ်

စစ်ကောင်စီခန့် ရန်ကုန်တိုင်းအစိုးရဝန်ကြီး ဖမ်းဆီးခံရပြီး အိမ်ပါချိတ်ပိတ်ခံရ

စစ်ကောင်စီခန့် ရန်ကုန်တိုင်းအစိုးရဝန်ကြီး ဖမ်းဆီးခံရပြီး အိမ်ပါချိတ်ပိတ်ခံရ

အာဏာသိမ်းစစ်ကောင်စီခန့် ရန်ကုန်တိုင်းအစိုးရအဖွဲ့၊ စီးပွားကူး သန်းရောင်းဝယ်ရေးဝန်ကြီး ဦးအောင်သန်းဦးကို ဒီနေ့ မတ်လ၂၃ရက်၊နေ့လည်ပိုင်းက သူ့ရုံးခန်းမှာ လာဖမ်းသွားတယ်လို့ သိရပါတယ်။

ဒါ့အပြင် သန်လျင်မြို့နယ်မှာရှိတဲ့ ဦးအောင်သန်းဦး ပိုင်ဆိုင်မှုတွေကိုလည်း စစ်ကောင်စီက ထချိတ်ပိတ်လိုက်တယ်ဆိုတာ ဒေသခံတွေကပြောပါတယ်။


ဘာကြောင့် ဖမ်းဆီးရတယ်ဆိုတဲ့ အကြောင်းရင်းကို မသိရသေးပေမယ့် ရန်ကုန်တိုင်း ဒေသကြီးအတွင်းက မြေလွတ်၊ မြေရိုင်းတွေ နေရာချထားမှုနဲ့ ပတ်သက်တယ်လို့ လည်း သတင်းတွေထွက်နေပါတယ်။

ဦး‌အောင်သန်းဦးဟာ ၂၀၂၀ အထွေထွေရွေးကောက်ပွဲမှာ ရန်ကုန်တိုင်း၊ သံလျင်မြို့နယ် မဲဆန္ဒနယ်ကနေ ပြည်ခိုင်ဖြို့း(USDP)ပါတီကိုယ်စားပြု ဝင်ရောက်ယှဉ်ပြိုင်ခဲ့တဲ့ သူဖြစ်ပါတယ်။


မနေ့ကလည်း စစ်ဗိုလ်ချုပ်တွေနဲ့နီးစပ်တဲ့ ပြည်ခိုင်ဖြိုးပါတီဝင် လွှတ်တော်ကိုယ်စားလှယ်ဟောင်း စီးပွားရေးလုပ်ငန်းရှင်ကြီး ဇေကမ္ဘာခင်ရွှေနဲ့သူ့သား ဇေသီဟတို့ကို မြရိပ်ညိုဟိုတယ်နဲ့ ခြံဝင်း ငှားရမ်းမှု သဘောတူညီချက်ဖောက်ဖျက်မှုနဲ့ပတ်သက်ပြီး စစ်ကောင်စီက ဖမ်းဆီးတရားစွဲဆိုထားပါတယ်။

ဦးအောင်သန်းဦးဖမ်းဆီးခံရမှုဟာ ဇောကမ္ဘာခင်ရွှေတို့သားအဖ အဖမ်းခံရတာနဲ့ ဆက်စပ်နိုင် တယ်ဆိုတဲ့ ခန့်မှန်းပြောဆိုမှုတွေရှိနေပေမယ့် လတ်တလောမှာတော့ အတည်ပြုလို့မရသေးပါဘူး။
BVJ

စစ္ေကာင္စီခန႔္ ရန္ကုန္တိုင္းအစိုးရဝန္ႀကီး ဖမ္းဆီးခံရၿပီး အိမ္ပါခ်ိတ္ပိတ္ခံရ

အာဏာသိမ္းစစ္ေကာင္စီခန႔္ ရန္ကုန္တိုင္းအစိုးရအဖြဲ႕၊ စီးပြားကူး သန္းေရာင္းဝယ္ေရးဝန္ႀကီး ဦးေအာင္သန္းဦးကို ဒီေန႔ မတ္လ၂၃ရက္၊ေန႔လည္ပိုင္းက သူ႔႐ုံးခန္းမွာ လာဖမ္းသြားတယ္လို႔ သိရပါတယ္။

ဒါ့အျပင္ သန္လ်င္ၿမိဳ႕နယ္မွာရွိတဲ့ ဦးေအာင္သန္းဦး ပိုင္ဆိုင္မႈေတြကိုလည္း စစ္ေကာင္စီက ထခ်ိတ္ပိတ္လိုက္တယ္ဆိုတာ ေဒသခံေတြကေျပာပါတယ္။

ဘာေၾကာင့္ ဖမ္းဆီးရတယ္ဆိုတဲ့ အေၾကာင္းရင္းကို မသိရေသးေပမယ့္ ရန္ကုန္တိုင္း ေဒသႀကီးအတြင္းက ေျမလြတ္၊ ေျမရိုင္းေတြ ေနရာခ်ထားမႈနဲ႔ ပတ္သက္တယ္လို႔ လည္း သတင္းေတြထြက္ေနပါတယ္။

ဦး‌ေအာင္သန္းဦးဟာ ၂၀၂၀ အေထြေထြေရြးေကာက္ပြဲမွာ ရန္ကုန္တိုင္း၊ သံလ်င္ၿမိဳ႕နယ္ မဲဆႏၵနယ္ကေန ျပည္ခိုင္ၿဖိဳ႕း(USDP)ပါတီကိုယ္စားျပဳ ဝင္ေရာက္ယွဥ္ၿပိဳင္ခဲ့တဲ့ သူျဖစ္ပါတယ္။

မေန႔ကလည္း စစ္ဗိုလ္ခ်ဳပ္ေတြနဲ႔နီးစပ္တဲ့ ျပည္ခိုင္ၿဖိဳးပါတီဝင္ လႊတ္ေတာ္ကိုယ္စားလွယ္ေဟာင္း စီးပြားေရးလုပ္ငန္းရွင္ႀကီး ေဇကမၻာခင္ေရႊနဲ႔သူ႔သား ေဇသီဟတို႔ကို ျမရိပ္ညိဳဟိုတယ္နဲ႔ ၿခံဝင္း ငွားရမ္းမႈ သေဘာတူညီခ်က္ေဖာက္ဖ်က္မႈနဲ႔ပတ္သက္ၿပီး စစ္ေကာင္စီက ဖမ္းဆီးတရားစြဲဆိုထားပါတယ္။

ဦးေအာင္သန္းဦးဖမ္းဆီးခံရမႈဟာ ေဇာကမၻာခင္ေရႊတို႔သားအဖ အဖမ္းခံရတာနဲ႔ ဆက္စပ္နိုင္ တယ္ဆိုတဲ့ ခန႔္မွန္းေျပာဆိုမႈေတြရွိေနေပမယ့္ လတ္တေလာမွာေတာ့ အတည္ျပဳလို႔မရေသးပါဘူး။
BVJ