ၾကားသိသမွ်

သုံးစွဲသူ ၁၈ သန်း၏ ကိုယ်ရေး အချက်အလက်များကိုပေးပြီး ထွက်ခွာသွားတဲ့ တယ်လီနော

သုံးစွဲသူ ၁၈ သန်း၏ ကိုယ်ရေး အချက်အလက်များကိုပေးပြီး ထွက်ခွာသွားတဲ့ တယ်လီနော

သွေးစွန်းနေသော မြန်မာ စစ်ဗိုလ်ချုပ် များအား အာဆီယံ မှ ဖနွမ်းပင်တွင် ကျင်းပသည့် ကာကွယ်ရေး စစ်ဦးစီးချုပ်များ အစည်းအဝေးသို့ တက်ရောက်ခွင့် ပြုကာ ကြိုဆိုခဲ့ကြသော်လည်း အမျိုးသား ညီညွတ်ရေး အစိုးရမှ ဒီဇင်ဘာ ၂၄ ရက်နေ့တွင် ၎င်းတို့ ဒီမောဆိုတွင် ကျူးလွန်ခဲ့ကြသော အရပ်သားများအား မီးရှို့သတ်ဖြတ်ခဲ့မှုကြီး အတွက် ဩစတေးသျှ တရားရုံးတွင် ရုံးတင် တရားစွဲဆိုရန် လိုအပ်သည်များကို အသေးစိတ် ပြင်ဆင်နေသည်ဟု လူ့အခွင့်အရေး ဆိုင်ရာ ဝန်ကြီး ဦးအောင်မျိုးမင်းက မတ်လ ၁၆ ရက်နေ့ သတင်းစာရှင်းလင်းပွဲတွင် ထုတ်ဖေါ်ပြောဆိုခဲ့သည်။

ဂျာမဏီ နှင့် ဗြိတိန် တို့တွင်လည်း အလားတူ တရားစွဲရန် ကြိုးပမ်းနေသည်ဟုလည်း ဆိုသည်။ ကုလသမဂ္ဂသည် စိုးရိမ်မကင်းကြောင်းသာ ထပ်တလဲလဲ ထုတ်ပြန်နေသော်လည်း ၎င်းတို့ ထမ်းဆောင်ရမည့် တာဝန်များကို ပျက်ကွက်လျက် ရှိနေဆဲ ဖြစ်သည်ဟု လည်း ထောက်ပြသွားသည်။

                                                                     ရွှေဗျိုင်းဖြူလုပ်ငန်းစုပိုင်ရှင် မိသားစုဖြစ်သော ဦးသိန်းဝင်းဇော်နှင့် ဇနီးဖြစ်သူ ဒေါ်တင်လတ်မင်း

ကမ္ဘာလူ့အခွင့်အရေး လေ့လာစောင့်ကြည့်ရေး အဖွံ့ကြီးမှလည်း ကုလ လူ့အခွင့်အရေး ကောင်စီ အနေဖြင့် ၎င်းတို့ ဗုဒ္ဓဟူး‌ နေ့က ထုတ်ပြန်ခဲ့သော အစီရင်ခံစာအတိုင်း မြန်မာ ထံ လက်နက်များ စီးဝင်နေမှုကို တားမြစ်ပေးရန်၊ ပါဝင် ပတ်သက်နေသော စစ်ဗိုလ်ချုပ် တဦးချင်းစီကို စီးပွားရေးအရ ဒဏ်ခတ်ရန် နှင့် လုံခြုံရေး ကောင်စီအား ၎င်းတို့ကို နိုင်ငံတကာ ရာဇဝတ် တရားရုံးသို့ လွှဲပြောင်းပေးရေး တိုက်တွန်းရန် တို့ကို တောင်းဆိုလာခဲ့သည်။

ကုလ လုံခြုံရေး ကောင်စီ အမြဲတမ်း အဖွဲ့ဝင် နိူင်ငံ ဖြစ်သော ရုရှားကပင် အိမ်နီးချင်း နိုင်ငံ တနိုင်ငံ၏ အချူပ်အခြာ အာဏာကို အလေးမထားပဲ ဗြောင်ကျကျ ကျူးကျော်လာနေခဲ့ပြီ ဖြစ်၍ ကုလလုံခြုံရေး ကောင်စီ အမြဲတမ်း အဖွဲ့ဝင် နိုင်ငံများ၏ ဗီတိုအာဏာ အသုံးပြုခွင့်ကို ပယ်ဖျက်သင့်နေပြီ ဖြစ်သည်။

အမေရိကန်သည် အီရတ် နှင့် လစ်ဗျား အရေးတွင် ကုလ ၏ ခွင့်ပြူချက်ဖြင့် ဆောင်ရွက်ခဲ့ခြင်း ဖြစ်သည်။ ယူကရိန်းသည် ရုရှား၏ ကျုးကျော်မှူကို လုံခြုံရေး ကောင်စီအနေဖြင့် အရေးယူ၍ မရမှန်း သိနေ၍ ကမ္ဘာတရားရုံးချုပ် အိုင်စီဂျေ သို့ ဦးတိုက် လျှောက်ထားခဲ့ရာ အိုင်စီဂျေ တရားရုံး တရားသူကြီး များက ၁၃ မဲ ၂ မဲဖြင့် ရုရှားတပ်များ ယူကရိန်းမှ ဆုတ်ခွာပေးရန် အမိန်ုချမှတ်လိုက်သည်။

ကန့်ကွက်မဲ နှစ်မဲသည် ရုရှား နှင့် တရုတ် ဖြစ်သည်ကိုတော့ ထည့်သွင်း ဖေါ်ပြနေစရာ လိုမည်မထင်။ အိုင်စီဂျေ၏ ဆုံးဖြတ်ချက်ကို နိုင်ငံအားလုံးက လိုက်နာရန် တာဝန်ခံထားပြီး ဖြစ်သော်လည်း ဆုံးဖြတ်ချက် အများစုကို လိုက်နာကြခြင်း မရှိပေ။

သို့သော် မည်သူက မှားသည် မှန်သည်ကိုတော့ အိုင်စီဂျေ၏ ဆုံးဖြတ်ချက်သည် သမိုင်းတွင် မှတ်တမ်းဝင်သွားခဲ့ပြီ ဖြစ်သည်။ နှောင်းလူများအဖို့ ထိုစစ်ပွဲကြီးကို မြန်မာစစ်ခေါင်းဆောင်များက အဘယ်ကြောင့် ထောက်ခံခဲ့ကြပေသနည်း ဟု ခေါင်းတရမ်းရမ်း ဖြင့် အဖြေထုတ်နေကြပြီ ဖြစ်သည်။

အဘယ့်ကြောင့်ဆိုသော် ဖွဲ့စည်းပုံ နှင့် အညီ အာဏာသိမ်းခဲ့ခြင်းကို ပုဒ်မ တခုတလေ နှင့်မျှ ထောက်ပြနိုင်ခြင်း မရှိသော်လည်း ၎င်းတို့ ဘုရားဟော နိပတ်များ အလား ကိုးကွယ်နေသည့် အဆိုပါ ဖွဲ့စည်းပုံ၏ ပုဒ်မ ၄၁ တွင် နိုင်ငံ အချင်းချင်း ငြိမ်းချမ်းစွာ အတူယှဉ်တွဲ နေထိုင်ရေးကို ထောက်ခံသည်ဟု အတိအလင်း ပြဋ္ဌာန်းထားသည်ကို ဖတ်မိကြမည်မှာ မလွဲဧကန် ဖြစ်သောကြောင့်ပင်။

နောက်ထပ် အရေးတကြီး ဖြစ်စဉ် တရပ်အနေဖြင့် မြန်မာ မှ ထွက်ပြေး တိမ်းရှောင်လာသူများ ကို လက်ခံ အကာအကွယ် ပေးမည်ဆိုသော ဩစတေးလျှ ပြည်ထဲရေး ဝန်ကြီး၏ ကြေညာချက်တွင် ပါရှိလာခဲ့သည်။ ဝန်ကြီး၏ ကြေညာချက်တွင် စစ်မှုထမ်းများဟု သီးခြားရည်ညွန်းဖေါ်ပြထားခြင်း မရှိသော်လည်း NUG ၏ ဩစတေးသျှ တာဝန်ခံ ဒေါက်တာ ထွန်းအောင်ရွှေက စစ်မှုထမ်းများကို စတင် လက်ခံနေသည့် သတင်းကို အတည်ပြုခဲ့သည်။

ဩစတေးလျှ ၏ Sydney Herald ၏ သတင်းအရ အာဏာသိမ်းပြီး တနှစ် အတွင်း လူပေါင်း ၅၁၃ ဦးအား ဗီဇာထုတ်ပေးခဲ့ပြီ ဖြစ်သည်ဟု သိရသည်။

                                                                                            တယ်လီနောရုံးချုပ် ပြောရေးဆိုခွင့်ရှိသူ Cathrine Stang Lund

နော်ဝေး ၏ တယ်လီနော ကုမ္ပဏီမှ လက်ဘနွန်ရှိ M1 နှင့် မြန်မာ စစ်တပ်နှင့် ဆက်နွယ်နေသော ရွှေဗျိုင်းဖြူ ကုမ္ပဏီ အဖွဲ့ ဖက်စပ်ထားသည့် ၊Investcom PTE Ltd အား ရောင်းချ မှုကို အာဏာသိမ်း စစ်ကောင်စီ မှ အတည်ပြု ပေးလိုက်ပြီ ဖြစ်၍ ၎င်းတို့ ဓါးစာခံသဘော နှင့် တိုင်းပြည်တွင်းမှ ထွက်ခွာခွင့် မပေးခဲ့သည့် ကုမ္ပဏီ အရာရှိကြီးများ မကြာခွင့် ပြည်တော်ပြန် နိုင်တော့မည်ဟု ယုံကြည်ရပေသည်။

M1 သည် လာမည် ဇူလိုင်လမှစ၍ မိုဘိုင်းလုပ်ငန်းများကို စတင်လုပ်ကိုင်မည်ဟု သိရသည်။ သို့သော် လက်ရှိတွင် M1 သည် ရှယ်ယာ ၅၁% နှင့် ရွှေဗျိုင်းဖြူသည် ၄၉% အသီးသီး ပိုင်ဆိုင်ထားသည်၊ နောက်ပိုင်းတွင် M1 သည် ၎င်းတို့ပိုင် ရှယ်ယာများထဲမှ ၃၁% ကို ရွှေဗျိုင်းဖြူအား ရောင်းချမည် ဖြစ်၍ ရွှေဗျိုင်းဖြူသည် ရှယ်ယာ ၈၀% ကို တင်းပြည့်ကျပ်ပြေ့ ပိုင်ဆိုင်လာတော့မည် ဖြစ်သည်။ ရွှေဗျိုင်းဖြူသည် စစ်ဗိုလ်ချုပ် များ နှင့် ဆက်စပ် ပတ်သက်နေသည့် အတွက် မိုင်တဲ ကဲ့သို့ပင် သုံးစွဲသူများ၏ လုံခြုံရေး ကို ခြိမ်းချောက်လာမည်လား ဆိုသည်က စောင့်ကြည့်ရမည်သာ ဖြစ်သည်။

နော်ဝေး အစိုးရ မှ ရှယ်ယာ အများစု ပိုင်ဆိုင်ထားသော တယ်လီနောသည် ရန်ကုန်တွင် ခြေချုပ်မိနေသော ၎င်း ကုမ္ပဏီဝန်ထမ်းများ လုံခြုံရေး အတွက် ဆိုကာ သုံးစွဲသူ ၁၈ သန်း၏ ကိုယ်ရေး အချက်အလက်များကို စစ်အာဏာပိုင် တို့လက်ထံ လွှဲအပ်ပြီး တာဝန်မဲ့စွာ ထွက်ခွာသွားကြပြီ ဖြစ်သည်။

                                    ရွှေဗျိုင်းဖြူလုပ်ငန်းစုပိုင်ရှင် မိသားစုဖြစ်သော ဦးသိန်းဝင်းဇော်နှင့် ဇနီးဖြစ်သူ ဒေါ်တင်လတ်မင်း

တယ်လီနောမြန်မာကို စစ်ကောင်စီရဲ့ ရွှေဗျိုင်းဖြူထံ ရောင်းချမှုလုပ်ငန်းအားလုံးပြီးမြောက်သွားပြီးတဲ့နောက် ကျေနပ်အားရစရာ ဖြစ်ပေါ်တိုးတက်မှုဖြစ်ကြောင်း တယ်လီနောရုံးချုပ် ပြောရေးဆိုခွင့်ရှိသူ Cathrine Stang Lund က ပြောကြားလိုက်ပါတယ်။

တယ်လီနောမြန်မာတာ၀န်ခံကို မြန်မာနိုင်ငံက ထွက်ခွာဖို့ ခွင့်ပြုလိုက်ပြီဖြစ်တဲ့အတွက် စိတ်သက်သာရာရ‌ကြောင်း၊ မြန်မာနိုင်ငံမှာရှိတဲ့ ဝန်ထမ်းအားလုံးရဲ့ လုံခြုံရေးအတွက် တယ်လီနောမှာ တာဝန်ရှိကြောင်းနဲ့ မြေပြင်က လုံခြုံရေးအခြေအနေဟာ ပထမဦးစားပေးအနေနဲ့ ဆက်ရှိနေကြောင်းလည်း Cathrine Stang Lund က ပြောပါတယ်။

ပြင်သစ် သံရုံး နှင့် NLD ရန်ကုန်တိုင်း အစိုးရ အကြား ပူးပေါင်း လုပ်ဆောင်သည့် စီမံချက် ဖြစ်သည့် မြေနီကုန်း ကုန်းကျော် တံတားအောက်ရှိ နံရံ ဆေးရေး ပန်းချီကား အား မည်သည့် အကြောင်းတစုံရာမျှမရှိ၊ ၎င်းတို့အား လည်း အသိမပေးပဲ ဆေးဖြူထပ်သုပ်ကာ ဖျက်ဆီးခဲ့မှုအား ပြင်သစ်သံရုံးက ရှုတ်ချကြောင်း ကြေညာချက် ထုတ်ပြန်လာခဲ့သည်။

တော်လှန်ရေးကြီးမုချအောင်ရမည်!!!
Hla Soewai