ၾကားသိသမွ်

၂၀၂၂ ခုနှစ်တွင် မင်းအောင်လှိုင်နှင့်စစ်ဘက်ခေါင်းဆောင်များ ပျက်စီးကိန်းကြုံလိမ့်မည်ဟု နက္ခတ္တဗေဒကျွမ်းကျင်သူက ဟောကိန်းထုတ်၊ မန္တလေးမဟာသင်္ကြန်စာက မင်းရာဇာနှင့် မိဖုရားအပေါင်း အန္တရာယ်ကျမည်ဟု ဖော်ပြ

၂၀၂၂ ခုနှစ်တွင် မင်းအောင်လှိုင်နှင့်စစ်ဘက်ခေါင်းဆောင်များ ပျက်စီးကိန်းကြုံလိမ့်မည်ဟု နက္ခတ္တဗေဒကျွမ်းကျင်သူက ဟောကိန်းထုတ်၊

မန္တလေးမဟာသင်္ကြန်စာက မင်းရာဇာနှင့် မိဖုရားအပေါင်း အန္တရာယ်ကျမည်ဟု ဖော်ပြ

ရန်ကုန်၊ ဇန်နဝါရီ ၂

လာမည့် ၂၀၂၂ ခုနှစ်၊ ဧပြီလမှစတင်ပြီး အကြမ်းဖက်စစ်ခေါင်းဆောင် မင်းအောင်လှိုင်နှင့်စစ်ဘက် ခေါင်းဆောင်များ ပျက်စီးကိန်းကြုံရ

လိမ့်မည်ဖြစ် ကြောင်း နက္ခတ္တဗေဒကျွမ်းကျင်သူတစ်ဦးက ဟောကိန်းထုတ်လိုက်သည်။


ယခု ၂၀၂၂ ခုနှစ်သည် ဂြိုလ်သဘောတရားများအရ အလွန်ထူးခြားသော နှစ်ဖြစ်ပြီး အပြောင်း အလဲ ကြီးကြီးမားမား ကြုံတွေ့ရမည်

ဖြစ်ကြောင်း၊ ၂၀၂၂ ခုနှစ်၏ ဂြိုလ်များ ရပ်တည်မှုသည် အလွန်ထူးခြားကြောင်း ပြောဆိုသည်။

“၂၀၂၁ ဒီဇင်ဘာလ ၅ ရက်နေ့ ကစပြီး စစ်ကောင်စီကို ဆန့်ကျင်တော်လှန်တဲ့ ပြည်သူလူထုရဲ့စိတ်ဓာတ်ဟာ အထူးမြင့်မားလာပြီး၊

ဒီဇင်ဘာလအတွင်း တိုက်ပွဲများ အရှိန်အဟုန်နဲ့ ဖြစ်ပွားခဲ့ပါတယ်။ ဇန်နဝါရီလ လဆန်းမှ လလယ်အထိဟာ စစ်ကောင်စီတပ်များ

အကျအဆုံးများပြားမယ့် ကာလဖြစ်ပါတယ်။ ၂၀၂၂ ဇန်နဝါရီလ ဒုတိယပတ်မှာ စစ်ကောင်စီအနေနဲ့ သံတမန်ရေးရာ လှည့် ဖြားမှုတစ်ခု

ပြုလုပ်မှာ ဖြစ်ပါတယ်။ သို့သော်လည်း ၂၀၂၂ ဇန်နဝါရီလ လလယ်မှာ ပြည်သူလူထုကို အလွန်အားတက်စေမယ့် သတင်းစကားကောင်းများ

စတင် ကြားသိရမှာ ဖြစ်ပါတယ်။ ပြည်ပအကူအညီအထောက်အပံများလည်း လက်ခံ ရရှိပါလိမ့်မယ်။ ဖေဖော်ဝါရီလနဲ့ မတ်လဟာ သံတမန်

ရေးရာတိုက်ပွဲများ၊ မြေပြင်စစ်ရေးတိုက်ပွဲများဆက်တိုက်ရှိနေမှာ ဖြစ်ပါတယ်” ဟု နက္ခတ္တဗေဒကျွမ်းကျင်သူက ဆိုသည်။


ပြည်သူများ၏ အောင်ပွဲများသည် ၂၀၂၂ ခုနှစ် ဖေဖော်ဝါရီလကုန်မှစတင်မည်ဖြစ်ပြီး လျှင်မြန်သည့် အရှိန်အဟုန်များဖြင့် ထင်သာမြင်သာ

အောင်ပွဲများရရှိလိမ့်မည်ဖြစ်ကြောင်း၊ ၂၀၂၂ ခုနှစ် ဧပြီလမှစတင်ပြီး မင်းအောင်လှိုင်နှင့်စစ်ဘက်ခေါင်းဆောင်များ ပျက်စီးကိန်းကြုံလိမ့်မည်

ဖြစ်သည်ဟု ၎င်းက ဆိုသည်။

“၂၀၂၂ ဖေဖော်ဝါရီလကုန်ပိုင်းကနေ စပြီး လျှင်မြန်တဲ့ အရှိန်အဟုန်နဲ့ ထင်သာမြင်သာတဲ့ ပြည်သူ့အောင်ပွဲအချို့ စတင်ရရှိလာပါလိမ့်မယ်။

မတ်လ၊ ဧပြီ လများမှာ စစ်ရေး လှုပ်ရှားမှုတွေ ကြီးစိုးနေမှာ ဖြစ်ပါတယ်။ ၂၀၂၂ ဧပြီလကုန်ပိုင်းမှစပြီး ပြည်သူလူထုနဲ့ ဒီမိုကရေစီအရေး

အတွက် အလှည့်အပြောင်းတွေ စရှိလာပြီး ပြည်သူများဘက်က မကြာမီ အချိန်ကာလတစ်ခုမှာ အောင်ပွဲရရှိပါလိမ့်မယ်” ဟု နက္ခတ္တဗေဒ

ကျွမ်းကျင်သူက ပြောဆိုသည်။


ကောဇာသက္ကရာဇ် ၁၃၈၄ ခုနှစ်အတွက် ဟောထားသည့် မန္တလေးမဟာသင်္ကြန် စာအရ မင်းရာဇာနှင့် မိဖုရား အပေါင်း ဘေးဥပါဒ်အန္တရာယ်

ရှိမည်ဟု ဟောကိန်း ထုတ်ထားသည်ကို တွေ့ရသည်။

ယင်းအပြင်ဧကရာဇ်မင်းရာဇာတို့က အလေးအမြတ်ထား ပူဇော်အားကိုးရသည့် ရဟန်းပညာရှိ မင်းပညာရှိ သုခမိန်များ အချင်းချင်း ပဋိပက္ခ

အငြင်းအခုံ ဖြစ်ပေါ်မည်ဖြစ်ပြီး ရွှေ့ပြောင်းသွားလာသူတို့သည် ရေလမ်း ကုန်းလမ်း ဘေးဖြစ်နိုင်သည် တနည်းဆိုသော် ခရီးသွားလာသူ

တို့သည် ကုန်းလမ်းဖြစ်စေ ရေလမ်းဖြစ်စေ အန္တရာယ် ကျရောက်နိုင်သည်ဟု သင်္ကြန်စာတွင် ဖော်ပြထားသည်။

ပြည်သူပြည်သားအပေါင်းတို့သည်လည်း ဒဏ်သင့်ကြကုန်သည်ဖြစ်၍ အိမ်နီး ချင်းတိုင်းနိုင်ငံများပါ ထိခိုက်ပျက်စီး ရတတ်ကြောင်း

ဟောကိန်းတွင် ဖော်ပြထားသည်။ ယင်းအပြင် ဆန်ရေးစပါး အခြေခံစားသောက်ကုန်များ ရှားပါးလာမည်ဟု ဆိုထားသည်။