ၾကားသိသမွ်

အာဖဂန်မှာကျဆုံးသွားတဲ့ အမေရိကန်စစ်သည် ၁၃ ဦးကို သမ္မတ Biden ဂုဏ်ပြု

အာဖဂန်နစ်စတန် ကာဘူးလ်လေဆိပ်မှာ ပြီးခဲ့တဲ့ကြာသပတေးနေ့ အသေခံဗုံးခွဲတိုက်ခိုက်မှုအတွင်း သေဆုံးခဲ့ရတဲ့ အမေရိကန်စစ်သည် ၁၃

ဦးရဲ့ မိသားစုဝင်တွေကို သမ္မတဂျိုးဘိုင်ဒန်နဲ့ သမ္မတကတော် Jill Biden တို့တွေ့ဆုံပြီး ကျဆုံးသွားတဲ့စစ်သည်တွေကို ဂုဏ်ပြုခဲ့ပါတယ်။

“အာဖဂန်နစ်စတန်မှာ ကျဆုံးခဲ့ရတဲ့ သူရဲကောင်းစစ်သည် ၁၃ ဦးရဲ့ မိသားစုဝင်တွေကို Jill နဲ့ ကျနော်တို့ အခုပဲ ကျနော့် ဇာတိပြည်နယ်

Dover လေတပ်အခြေစိုက်စခန်းမှာ တွေ့ဆုံပြီးပြန်လာတာပါ။ သူတို့လေးတွေဟာ နိုင်ငံအတွက် အသက်ပေးသွားကြတာပါ။ သူတို့

အတွက်ရော မုန်တိုင်းအန္တရာယ်ရှိတဲ့ Louisiana အတွက်ပါ ကျနော်တို့ ဆုတောင်းကြပါစို့” လို့ သမ္မတက ဝါရှင်တန်ဒီစီက ဗဟိုအစိုးရ

အရေးပေါ်စီမံခန့်ခွဲရေးဌာန FEMA မှာ မကြာသေးခင်ကပဲ ပြောကြားခဲ့တာပါ။

အမေရိကန် ကျဆုံးစစ်သည် ၁၃ ဦးဟာ အသက် ၂၀ ကနေ ၃၁ နှစ်ကြားလူငယ်လူရွယ်တွေ ဖြစ်ပြီး သူတို့ထဲက ၅ ဦးက အသက် ၂၀ ပဲရှိ

သေးတာပါ။ သူတို့ရဲ့ ကြွင်းကျန်တဲ့ ရုပ်အလောင်းတွေကို Delaware ပြည်နယ် Dover လေတပ်အခြေစိုက်စခန်းကို ပြန်လည်သယ်ဆောင်

လာပါပြီ။ နိုင်ငံရပ်ခြားမှာ တိုက်ခိုက်ရေး တာဝန်ထမ်းဆောင်ရင်း ကျဆုံးခဲ့ရသူတွေရဲ့ ရုပ်အလောင်းတွေကို ထုံးစံအတိုင်း စစ်အခန်းအနားနဲ့

ဂုဏ်ပြုသယ်ယူခဲ့တာဖြစ်ပါတယ်။

အာဖဂန်နစ်စတန်နိုင်ငံမှာ တာလီဘန်တွေ ထိန်းချုပ်ခဲ့ပြီးတဲ့နောက် အာဖဂန်ကနေထွက်ခွါမယ့် သူထောင်နဲ့ချီရှိနေတဲ့ ကာဘူးလ်လေဆိပ်

မှာ ကြာသပတေးနေ့က အသေခံဗုံးခွဲ အတိုက်ခိုက်ခံခဲ့ရတာ ဖြစ်ပြီး ဒီအသေခံဗုံးကြောင့် အမေရိကန်စစ်သည်တွေအပြင် အာဖဂန်နိုင်ငံသား

၁၇၀ ထက်မနည်းလည်း သေဆုံးခဲ့ရ ပါတယ်။ ဒီဗုံးခွဲတိုက်ခိုက်မှုကို သူတို့လုပ်ဆောင်တာ ဖြစ်ကြောင်း အာဖဂန်အခြေစိုက် အိုင်အက်စ်

စစ်သွေးကြွ အဖွဲ့က ကြေညာခဲ့တာပါ။