ၾကားသိသမွ်

အာဏာရှင်ရဲ့ ကလိမ်ထောင်

အာဏာရှင်ရဲ့ ကလိမ်ထောင်

ဆိုဗီယက်ရုရှားခေတ်က အလွန်အကြွားသန်သော ခေါင်းဆောင်ြ ကီးသည် နိုင်ငံခြားမှ သတင် းမီဒီယာ အဖွဲ့များအား ဖိတ်ခေါ်ကာ သူတို့နိုင်ငံ၏ အကျဉ်းထောင်ကို ခေါ်ပြသည်။

ဆိုဗီယက်ရုရှား ပြန်လည်ပြုပြင်ရေးစခန်း သတင်းမီဒီယာအဖွဲ့ဝင်များကို အုတ်ရိုးကြီးများကာထားသည့် ထောင်အတွင်းသို့ ကားများဖြင့် ခေါ်သွား ကြသည်။

ထောင်ထဲရှိ ထောင်သားများမှာ သန့်ရှင်းသော အဝတ်အစားတွေနှင့်ဖြစ်နေသည်။ ပတ်ဝန်းကျင်ကလည်း ထောင်နှင့်အတူ။ ပန်းခြံတွေ၊ စာကြည့်တိုက်တွေ၊ ကစားကွင်းတွေနှင့်ဖြစ်သည်။ ပြင်သစ် သတင်းသမားက
အလို ထောင်သားတွေ ဝတ်ထားတဲ့ ဘောင်းဘီတွေက အမေရိကန်ဂျင်းဘောင်းဘီတွေပဲ

ဆိုဗီယက် ဗိုလ်မှူးကြီးတစ်ယောက်က ဝင်ပြောသည် သူတို့ ဝတ်ချင်တယ်ဆိုလို့ပါ အကျဉ်းသားတစ်ယောက်ကို ဂျင်းဝတ်စုံ သုံးစုံစီရပါတယ်

အိုး ကောင်းလိုက်တာ
သူတို့ ဆက်လျှောက်လာကြသည်။ အချိန်ကား ထမင်းစားချိန်ဖြစ်သည်။ တာဝန်ခံ ဗိုလ်မှူးကြီးက ဖိတ်ခေါ်သည်

ဧည့်သည့်တော်များကို ကျွန်တော်တို့ ထောင်သားတွေနှင့်အတူ နေ့လယ်စာစားရန် ဖိတ်ခေါ်ပါတယ်
သတင်းသမားတွေက ထောင်စာဆိုသဖြင့် ရွံ့တွန့်တွန့် ဖြစ်ကုန်ကြသည်။ သို့သော် သူတို့ ထမင်းစားဆောင် အတွင်း ဝင်လိုက်သောအခါတွင် အားလုံး အံ့အားသင့်ကုန်သည်။

ထောင်သားတွေက စားပွဲတန်းကြီး ပေါ်တွင် တင်ထားသည့် အသားများကို ဘူဖေးစနစ်ဖြင့် တန်းစီကာ ပေါများစွာထည့်စားနေကြသည်။ စားပွဲ အစွန်းတွင် ဗော်ဒဂါအရက်တွေကလည်း အလျှံပယ်ဖြည့်ပေးထားသည်။

သတင်းမီဒီယာအဖွဲ့လည်း အကျဉ်းသားများနှင့်အတူ ဘူဖေးဝင်စားဖြစ်သွားသည်။


အံ့ရော အံ့ရောပဲ ဆိုဗီယက်ရုရှားက အကျဉ်းသားတွေကိုတောင် ဒီလိုကျွေးသတဲ့လား
အားလုံး ပြောစမှတ်ဖြစ်ကုန်သည်။ ဗိုလ်မှူးကြီးက ဂုဏ်ယူစွာဖြင့်
ကျွန်တော်တို့ ခေါင်းဆောင်ကြီး ခရုရှက်ခေတ်မှာ အကျဉ်းသားတွေကိုတောင် ဒီလိုထားတယ် ဆိုရင် ပြည်သူတွေကို ဘယ်လိုထားမလဲဆိုတာ စဉ်းစားသာကြည့်ပါခင်ဗျာ ဟု ရင်ကော့ပြီး ပြောလိုက်သည်။


သူတို့ အကျဉ်းထောင်အတွင်း လူနေခန်းများကို လိုက်ကြည့်ကြပြန်သည်။ အကျဉ်းခန်းတွေထဲတွင် ဖဲရိုက် သူက ရိုက်နေသည်။ နောက်ဆုံး အထူးခန်းဆိုသည့် အခန်းများထဲတွင် မိန်းမတွေနှင့် ပျော်ပါးနေသည့် သူများကိုပင် တွေ့နေရသည်။

ဒါတွေက နှစ်ကြီးသမားတွေအတွက် အထူးအစီအစဉ်ပါ ဟု ဗိုလ်မှူးကြီးက ပြောသည်။
သတင်းမီဒီယာထဲတွင် ပါလာသည့် အမျိုးသမီးတွေက မကြည့်ရဲသဖြင့် မျက်နှာလွှဲနေကြသည်။
ဗိုလ်မှူးကြီးက ပြောသည် ခင်ဗျားတို့ အရင်းရှင် အနောက်နိုင်ငံတွေမှာ ကျုပ်တို့ကို ရစရာမရှိလောက်အောင် အပုပ်ချပြီး ပြောနေ တာတွေ ရပ်ပါတော့။ ကျုပ်တို့ ခေါင်းဆောင်ကြီးက ပြည်သူတွေအပေါ် တကယ့်ကို စေတနာထား တာပါ။ လူ့အခွင့်အရေးတွေကို အပြည့်ပေးပါတယ်။

ကဲ အခု မြင်ကြတဲ့အတိုင်းပါပဲ။ ခင်ဗျားတို့ နိုင်ငံတွေကို ပြန်ရောက်ရင် ဒီမှာ မြင်တဲ့အတိုင်း ရေးပေးကြစေချင်ပါတယ် ထိုအချိန်တွင် သတင်းမီဒီယာများထဲမှ လူတစ်ယောက်က ပြေးထွက်လာပြီး ဗိုလ်မှူးကြီး၏ ခါးကြားမှ သေနတ်ကိုလုကာ ထိုဗိုလ်မှူးကြီးကို နားထင်တေ့ပြီး ပစ်သတ်လိုက်သည်။

တရားရုံအရောက်တွင် ထိုသူကို မေးသည် မောင်မင်း ဘာဖြစ်လို့ ဗိုလ်မှူးကြီးကို ပစ်သတ်လိုက်ရတာလဲ ရုရှားနိုင်ငံမှာ ထောင်ကျခံချင်လို့ပါ ဘာဖြစ်လို့ ထောင်ကျခံချင်ရတာလဲ
သဘောကျလို့ပါ

မောင်မင်းကို ထောင်ဒဏ် အနှစ် ၂၀ ချမယ် ကျေးဇူးတင်ပါတယ်ခင်ဗျား ကျွန်တော့်နိုင်ငံကို ပြန်မပို့ရင်ပြီးရော တရားခံကို ထောင်ထဲခေါ်လာကြသည်။ ယခုအခါ ဝင်ရသည့်အပေါက်မှာ သူတို့လာစဉ်က ဝင်ရသော ဂိတ်ပေါက် မဟုတ်မှန်း သတင်းသမားကသိသည်။ နောက်ဖေးပေါက်ကဖြစ်နေသည်။

သူရောက်နေသည့် နေရာမှာ စုတ်ပြတ် နံစော်နေသည့် အဝတ်အစားများကို ဝတ်ဆင်ထားသူတွေကြားထဲ ဖြစ်နေသည်။ အကျဉ်းခန်းတွေကလည်း မှောင်မည်း စိုစွတ်ပြီး ညစ်ပတ်နံစော်နေသည်။ ထမင်းစားချိန်ဖြစ် သောကြောင့် ကျွေးသည့် အစားအစားတွေကို သွားကြည့်ပြီး အံချလိုက်မိသည်။

မဟုတ်ဘူးလေ ခင်ဗျားတို့ ကျုပ်တို့ကို ခေါ်လာတုန်းက ဒီလိုမဟုတ်ဘူးလေ နေရာမှားနေသလား လို့ မမှားပါဘူး ခင်ဗျားတို့ကို ခေါ်လာတဲ့ ဂိတ်က ဝါဒဖြန့်ချိဖို့ အထူးသီးသန့် လုပ်ကြံထားတဲ့နေရာ။ တကယ့်ထောင်စစ်စစ်ဆိုတာ ဘယ်လို အရသာလဲဆိုတာ မသေမချင်း ခံကြည့်လိုက်ပေတော့ဗျာ
(One Hundred Russian Jokes မွ Prison Propaganda Department ကို ျမန္မာမႈျပဳပါသည္)
တင်ညွန့်