ၾကားသိသမွ်

“အဆုံးသတ်တိုက်ပွဲအတွက် အသင့်ပြင်ဆင်နေကြပြီ၊ အရေးတော်ပုံအောင်တော့မည် ဟု NUG ကာကွယ်ရေးဝန်ကြီး ပြော”

မြန်မာနိုင်ငံတွင် စစ်အာဏာရှင်စနစ်ကို အမြစ်ပြတ်ရှင်းလင်းမယ့် အဆုံးသတ်တိုက်ပွဲအတွက်

ပြည်သူများ၊ လူငယ်များ၊ ပြည်သူ့ကာကွယ်ရေးတပ်မတော်နှင့် မဟာမိတ်များ အသင့်ပြင်နေကြပြီး

အရေးတော်ပုံ အောင်တော့မည်ဟု အမျိုးသားညီညွတ်ရေးအစိုးရ ကာကွယ်ရေးဝန်ကြီးဦးရည်မွန်မှ

၎င်း၏ လူမှုကွန်ရက်တွင် ဇူလိုင်လ ၂၂ ရက်က ရေးသားထားသည်။

အာဏာသိမ်း အကြမ်းဖက်စစ်ကောင်စီကို မြန်မာနိုင်ငံပြည်သူများက လက်မခံသလို၊ နိုင်ငံတကာမှလည်း

ရှုတ်ချနေပြီး အုပ်ချုပ်ရေးအာဏာတောင် တည်မရဟု ကာကွယ်ရေးဝန်ကြီး ဦးရည်မွန်မှ ပြောသည်။

ကိုဗစ်ကပ်ရောဂါ တတိယလှိုင်းအတွက် ကာကွယ်ဆောင်ရွက်မှုများကိုလည်း ဝေဖန်ပြောဆိုထားပြီး

တစ်တိုင်းပြည်လုံးမှ အော့နှလုံးနာနေကြပြီဟု ဆိုသည်။